O Samagosto foi un éxito de toda Celanova
Unha tarde chea de maxia para todos os nenos e as familias da vila ourensá
Publicado o 15-11-2021 por Manuel Vispo
O sábado 13 de novembro as Escolas Deportivas do Concello de Celanova uniron dúas tradicións nunha soa, o samaín e o magosto, e crearon o Samagosto. Un acto que encheu de ledicia a toda a familia de Celanova.
Inchables, castañas, chocolate, moita diversión e un paseo moi terrorífico que asustou a máis dun neno e ás nais e pais tamén.
Os enfermos terminais, monstros, dráculas e sustos por todas partes fixeron que os visitantes da aterradora andaina de Samagosto 2021 se acelerasen o pulso.
Todo o equipo de EDCC que traballa con dedicación agarda que puidestes gozar deste agradable día en familia e que cheguen novas tardes de ilusión e alegría.
